Ղազախստանի խորհրդարանի սենատը հոկտեմբերի 1-ին պլենար նիստում վավերացրել է Եվրասիական տնտեսական միության շրջանակում դեղամիջոցների շրջանառության միասնական կանոնների մասին համաձայնագիրը, հայտնում է «Նովոստի- Ղազախստանը»:
Համաձայնագիրը ստորագրվել էր Մոսկվայում 2014 թ դեկտեմբերի 23-ին: Փաստաթուղթը միության շրջանակում դեղամիջոցների շրջանառության միասնական սկզբունքներ ու կանոններ է սահմանում դեղամիջոցների ընդհանուր շուկա ձեւավորելու նպատակով: ԵՏՄ անդամ պետությունները ներդաշնակեցրել են իրենց օրենսդրությունները դեղամիջոցների շրջանառության ոլորտում՝ ապահովելով դրանց անվտանգության նկատմամբ միասնական պահանջներ:
Ինչպես պարզաբանում է «ՌԻԱ Նովոստին»՝ ԵՏՄ շրջանակում դեղամիջոցների իրացումը թույլատրվում է, եթե դրանք գրանցվել են սահմանված ընթացակարգի համաձայն, իսկ դրանց մասին տեղեկություններն էլ տրամադրվել են միության միասնական ռեեստրին: Դեղորայքի արտադրությունը իրականացվում է դրանց արտադրության թույլատվության հիման վրա, որը պետք է տրամադրվի պետությունների օրենսդրության համաձայն: Եվրասիական տնտեսական հանձնաժողովը կազմելու է գրանցված, ինչպես նաեւ որակի պահանջներին չհամապատասխանող, կեղծ եւ արգելված դեղամիջոցների տեղեկատվական բազա:
