Հայաստանի կառավարությունը հոկտեմբերի 1-ի նիստում որոշում է կայացրել Սեւանի ափին եւս մեկ հանրային լողափ ստեղծելու վերաբերյալ։ Բնապահպանության փոխնախարար Սիմոն Պապյանի խոսքով՝ «Սեւան» ազգային պարկի ռեկրեացիոն գոտում հանրային լողափ կազմակերպելու մասին»  որոշմամբ բնակչությանը անվճար հանգիստ կազմակերպելու եւս մեկ հնարավորություն է տրվում։ Պապյանը նշել է, որ հանրային լողափը կստեղծվի Գեղարքունիքի մարզի Ծովագյուղ գյուղի վարչական տարածքում։ Լողափի համար 9 հա տարածք կհատկացվի։