WinRAR արխիվացնող համակարգի նոր տարբերակում, որից ողջ աշխարհում ավելի քան 500 մլն մարդ է օգտվում, լուրջ խոցելիություն է հայտնաբերվել, հայտնում է Cnews-ը՝ վկայակոչելով Vulnerability Laboratory ռեսուրսի տվյալները։
Text and Icon գործառույթի ծրագրային կոդի սխալի պատճառով ցանցահենները կարող են RAR-արխիվում ինտեգրել HTML վնասակար կոդը։ Եթե նման ֆայլ ստացողը բացում է արխիվը, կոդը ավտոմատ կերպով իրականացվում է։
Տեսականորեն չարագործները այդ կոդի միջոցով կարող են համակարգիչներում ակտիվացնել վնասակար ծրագրերի կամ լրտեսող հավելվածների բեռնումը, որոնք գողանում են անձնական տվյալները, գրում է «Ռոսիյսկայա գազետա»-ն։