Սոցիալիստների կուսակցության եւ «Մեր կուսակցության» մի քանի հարյուր անդամներ ու կողմնակիցներ հոկտեմբերի 1-ին ուղեւորվել էին Մոլդովա հանրապետության նախագահի նստավայր՝ նրա հրաժարականը պահանջելու:
Սակայն ոստիկանները ցուցարներին չեն թույլատրել մոտենալ շենքին:
Դրանից հետո սոցիալիստների կուսակցության նախագահն ու «Մեր կուսակցության» առաջնորդը մտել են պետության ղեկավարի նստավայր ՝ իրենց դիմումը նրան փոխանցելու նպատակով: Բայց նախագահը նստավայրում չէր:
«Մեր կուսակցւթյան» նախագահ Ռենատո Ուսատին էլ իր հերթին ասել է որ նախագահ Տիմոֆտին պատրաստ է հրաժարական տալ.«Մեր խնդիրն է պարզապես օգնել նրան: Եվ մենք մտադիր ենք ամեն օր օգնել նրան: Եթե վաղը մինչեւ ժամը 17:00 նա հրաժարական չտա, ապա մենք կդիմենք հաջորդ քայլին, ինչպես եւ զգուշացրել էինք »,- ասել է նա:
Արդեն չորրորդ շաբաթն է Մոլդովայում քաղաքացիական հասարակության ու ձախ ցենտրիստական ընդդիմության բողոքի ցույցեր են կազմակերպվում: Կիրակի Քիշնեւում զանգվածային հակակառավարական հանրահավաք էր, որին տարբեր գնահատականներով 15-ից 50 հազար մարդ է մասնակցել: