Հայաստանի կառավարությունը հոկտեմբերի 1-ին հավանություն է տվել «Հայաստանի կառավարության եւ Մադագասկարի» եւ «Հայաստանի կառավարության եւ Տոգոյի» միջեւ մշակույթի ոլորտում համաձայնագրերի ստորագրման առաջարկը։
Մշակույթի նախարար Հասմիկ Պողոսյանի խոսքով՝ համաձայնության շրջանակներում կողմերը մտադիր են ամրապնդել Հայաստանի, Մադագասկարի եւ Տոգոյի ժողովուրդների միջեւ կապերը։ Նախարարը նաեւ նշել է, որ համագործակցության շրջանակներում նախատեսվում է կազմակերպել ցուցահանդեսներ, մշակութային միջոցառումներ։ Կցուցադրվեն ֆիլմեր, կանցկացվեն փառատոներ, տեղի կունենա մասնագետների փոխանակում։ Այդ երկրների թանգարանների, գրադարանների եւ արխիվների միջեւ տեղեկության փոխանակում եւ համագործակցություն կհաստատվի։