Հայաստանի կառավարությունը հոկտեմբերի 1-ի նիստում հաստատել է 2016-2018 թթ. փոքր ու միջին բիզնեսի զարգացման մարտավարությունը: Ըստ փաստաթղթի՝ մոտակա երեք տարիներին առաջնային է լինելու փոքր ու միջին բիզնեսի ներքին ու արտաքին մրցունակության ապահովումը: Ոլորտի զարգացման համար կշարունակեն ստեղծել մրցունակ միջավայր՝ ֆինանսական միջոցների հասանելիություն, անհրաժեշտ գիտելիքների տարածում, հարկային համակարգի պարզեցում եւ մասնավոր ոլորտի հետ երկխոսության մեխանիզմների բարելավում: Փոքր ու միջին բիզնեսի զարգացման քաղաքականությամբ եւ մարտավարության մշակումով զբաղվելու է Էկոնոմիկայի նախարարությունը:
Նշենք, որ 2014 թ. տվյալներով Հայաստանում գրանցված է փոքր ու միջին բիզնեսով զբաղվող 74 365 սուբյեկտ, որոնք դրանցից 68 117-ը չափազանց փոքր են, 5109-ը ՝ փոքր ու 1139 ը ՝ միջին: Վերոնշյալ տնտեսվարող սուբյեկտների շրջանառութան ընդհանուր ծավալը կազմել է 1565934 մլն դրամ, որից հարկերը կազմել են 237710 մլն դրամ: