Հունգարիայի վարչապետ Վիկտոր Օրբանը հայտարարել է, որ Եվրոպա ժամանող երիտասարդ փախստականները եւ միգրանտները նրան զինվորների են հիշեցնում, գրում է Gazeta –ն՝ վկայակոչելով Associated Press-ը։
«Նրանք ավելի շատ բանակ են հիշեցնում, քան ապաստան փնտրող մարդկանց»,- ասել է նա եւ նշել, որ միգրացիայի խնդիրը Եվրոպայում ինքնուրույն լուծելու դեպքում Եվրոպան կոչնչացնի իր ոճը, կյանքը, արժեքները եւ ուժը, որոնք իրենք զարգացրել ենք վերջին մի քանի 100 տարիների ընթացքում։ Վարչապետն անազնիվ է համարում այն, որ ԱՄՆ-ը, Իսրայելը, Ավստրալիան եւ հարուստ արաբական երկրները հույսները դրել են փախստականներին եվրոպական երկրներում տեղաբաշխելու վրա։