«Հայաստանի էլեկտրական ցանցերը» գնելը Հայաստանի նկատմամբ Սամվել Կարապետյանի դրսեւորումն էր, քանի որ նա կարող էր այլ երկրում ներդրում անել եւ ավելի մեծ շահ ունենալ: Այս մասին այսօր՝ հոկտեմբերի 2-ին, լրագրողների հետ զրույցում նշել է Հայաստանի ԱԺ նախագահ Գալուստ Սահակյանը:
Նրա խոսքով, պետք չի շատ վախենալ փաստից, որ գնորդ ընկերությունը գրանցված է օֆշորում, քանի որ այդ ընկերությունը Սամվել Կարապետյանի «Տաշիր գրուպ»-ի մեջ է մտնում:
«Եթե նայեք մեր ընդհանուր օրենսդրությունը, պայմանագիրը, վերահսկողության մեխանիզմներն այնպիսին են, որ որեւէ մեկը չի կարող անհեթեթ ձախողումներ ունենալ: Ով ձախողվեց, նա կպատժվի, կտուժի»,- նշել է նա՝ հավելելով, որ ՀԷՑ-ի վաճառքի շնորհիվ այդ ընկերությունում կառավարման մեխանիզմները կնորացվեն, կթարմացվեն, կորուստները կպակասեն: