«ՎԿոնտակտե» սոցիալական ցանցը փոխել է YouTube-ի եւ Pladform-ի տեսահոլովակների արտաքին տեսքն ու գործառնությունը՝ դրանք ներդնելով սեփական նվագարկչի մեջ, հայտնում է Live Express ընկերությունը։

Այսուհետ YouTube եւ Pladform նվագարկիչներ հարմարեցված կլինեն «ՎԿոնտակտե»-ի նվագարկիչին։ Նորարարությունը դեռեւս հասանելի է միայն նորությունների ժապավենում եւ տեսադարանում, սակայն ծրագրավորողները խոստանում են այդ գործառույթը շուտով ավելացնել բոլոր տեսագրություններին։

Օրիգինալ տեսանյութին անցնել հնարավոր կլինի տեսանյութի տակ դրված հղումով կամ սեղմելով վիդեոհոսթինգի տարբերանշանը, գրում է Gazeta-ն։