Փարիզում սկսվել է Ուկրաինայի հարցով «նորմանդական քառյակի» հանդիպումը՝ ՌԴ նախագահ Վլադիմիր Պուտինի, Գերմանիայի կանցլեր Անգելա Մերկելի, Ֆրանսիայի նախագահ Ֆրանսուա լանդի եւ Ուկրաինայի նախագահ Պյոտր Պորոշենկոյի մասնակցությամբ:
Չորս երկրների առաջնորդները հավաքվել են Ելիսեյան պալատի Մյուրատի անվան դահլիճում՝ քննարկելու համար Դոնբասում հակամարտության կարգավորման հարցը:
Նախքան «քառյակի» հանդիպումը, տեղի են ունեցել մի շարք երկկողմ հանդիպումներ: Մասնավորապես, ՌԴ նախագահ Պուտինը երկկողմ հանդիպումներ է ունեցել Ֆրանսիայի նախագահ Ֆրանսուա Օլանդի եւ Գերմանիայի կանցլեր Անգելա Մերկելի հետ:
Նշենք, որ սա «նորմանդական քառյակի» ձեւաչափով արդեն 4-րդ հանդիպումն է: Առաջին հանդիպումը տեղի է ունեցել 2014 թվականի հունիսին:
