Երեւանի Տեղեկատվական ու հեռահաղորդակցության տեխնոլոգիաներում գերազանցության հայ-հնդկական կենտրոնը ծրագրավորման դասընթացներ է անցկացրել Հայաստանի հարավում՝ Սիսիան քաղաքում: Այս մասին NEWS.am-ի թղթակցին հայտնել է կենտրոնի ղեկավար Էմիլիա Հարությունյանը:
«Սիսիանում մենք դասընթացներ ենք անցկացրել Web и Java ծրագրավորումով: Կազմակերպչական հարցերում մեզ օգնեց Կարեն Հովհաննիսյանը, մեծահասակների ուսուցման Sisian Adult Education տեղական կենտրոնի տնօրենը: Նա ինքն է մեզ գտել ու խնդրել ուսուցում կազմակերպել, ինչին մենք ուրախությամբ համաձայնել ենք: Մենք այնտեղ ենք ուղարկել «մարզիչների մարզիչների», նրանք մի քանի օր պարապել են տեղի մասնագետների հետ, իսկ նրանք էլ իրենց հերթին հիմա պարապում են տեղի ուսանողների ու մասնագետների հետ »,- հայտնեց Հարությունյանը:
Վերջերս Սիսիանի կենտրոնի ղեկավարները իրենք Երեւան եկան ու իրենց հետ բերեցին ավագ դասարանների դպրոցականներին ու ուսանողների, որպեսզի նրանք ոչ միայն լսեն, այլեւ տեսնեն ամեն ինչ իրենց աչքերով:
«Կենտրոնի աշխատակիցները, ում հետ եկել էին դպրոցականները, նրանց ցույց են տվել եւ մեր կենտրոնը, եւ Թումո կենտրոնը եւ մյուս կենտրոնները, որպեսզի հասկացնեն, թե ինչ լավ է սեփական ջանքերով ինչ-որ բան ստեղծելը եւ որ դա կարելի է անել նաեւ Երեւանից հեռու»,- հավելեց Հարությունյանը:
Կենտրոնի դասախոսները կապ են պահպանում Սիսիանի իրենց գործընկերների հետ ու պատրաստ են պատասխանել ցանկացած ծագող հարցերի: «Մեզ համար նրանք հենց գործընկերներ են, այլ ոչ թե ենթականեր»,-շեշտեց նա:
Հայ-Հնդկական ՏՀՏ Գերազանցության կենտրոնը «Ձեռնարկությունների ինկուբատոր» հիմնադրամի (EIF) նախագծերից մեկն է:
