Ալբանիայի վարչապետ Էդի Ռաման ՄԱԿ-ի անդամ այն պետություններին, որոնք մինչեւ հիմա չեն ճանաչել Կոսովոյի անկախությունը, կոչ է արել անել դա:
«Թույլ տվեք կոչ անել ձեզ բոլորիդ, նրանց, ովքեր դեռեւս չեն ճանաչել Կոսովոն, անել դա, ինչը զգալի ներդրում կլինի տարածաշրջանում կայունության, խաղաղության եւ համագործակցության ամրապնդման գործում»,- ՄԱԿ-ի Գլխավոր վեհաժողովի 70-րդ նստաշրջանում ունեցած ելույթում հայտարարել է Ռաման:
Կոսովոյի ալբանական իշխանությունները Սերբիայից անկախություն հռչակեցին 2008 թվականի փետրվարին: Ըստ ՌԻԱ Նովոստիի, տարբեր գնահատականներով, Կոսովոյի անկախությունը ներկայում ճանաչել է ՄԱԿ-ի անդամ 100-110 պետություն, այդ թվում՝ ԱՄՆ-ն եւ Արեւմտյան Եվրոպայի առաջատար երկրներ:
