Ռուսաստանի ավիախումբը մեկ օրվա ընթացքում 14 թռիչք է իրականացրել Սու-34, Սու-24Մ, Սու-25 ինքնաթիռներով: Այս մասին լրագրողներին տեղեկացրել է ՌԴ ՊՆ պաշտոնական ներկայացուցիչ, գեներալ-մայոր Իգոր Կոնաշենկովը:
«Օրվա ընթացքում ռուսական ավիացիոն խումբը թիրախային հարվածներ է հասցրել Սիրիայում ԻԼԻՊ ահաբեկչական խմբավորման օբյեկտների ուղղությամբ: Այդ ընթացքում 6 հարված է հասցվել ահաբեկչական խմբավորման օբյեկտներին»,- ասել է գեներալ-մայորը:
Իդլիբ գավառում Խան-Շեյհուն բնակավայրի շրջանում Սու-24Մ-ից եւ Սու-25-ից ռմբակոծության հետեւանքով քանդվել է ԻՊ-ի զինված կազմավորումների կառավարման կենտրոնը: Այս մասին գրում է ՏԱՍՍ գործակալությունը:
Ավելի վաղ NEWS.am-ը հաղորդել էր, որ Սիրիայի նախագահ Բաշար Ասադի խնդրանքով Ռուսաստանը սեպտեմբերի 30-ից սկսել է կետային ավիահարվածներ հասցնել այդ երկրում «Իսլամական պետության» դիրքերի ուղղությամբ: