«Աստղային պատերազմներ. Դրվագ 4. Նոր հույս» ֆիլմի տիեզերանավի մոդելը ԱՄՆ-ում աճուրդում վաճառվել է ռեկորդային գնով ՝ 450 հազար դոլարով, հայտնել է Profiles in History աճուրդային տունը:
Անանուն գնորդը 41 սմ բարձրության մոդելի համար գրեթե կրկնակի շատ է վճարել, քան աճուրդի կազմակերպիչները հույս ունեին ստանալ: 2008 թ. մանրակերտ կործանիչը՝ Ջորջ Լուկասի սագայից՝ իրացրել էին 402.5 հազար դոլարով:
Հոլիվուդյան մյուս լոտերից էր «Սուպերմենի» կոստյումը՝ որը 1953-1954թթ. պատկանում էր դերասան Ջորջ Ռիվզին: Դրա համար վճարել են 216 հազար դոլար: Ինդիանա Ջոնսի մասին ֆիլմերի հանրահայտ մտրակի նոր սեփականատերը դրա համար 204 հազար դոլար է վճարել, հայտնում է Lenta.ru-ն:
«Մենք հոլլիվուդյան առարկաների վաճառքի աշխարհի ամենահաջող աճուրդն ենք կազմակերպել 2015 թ.՝ սահմանելով Գինեսսի ռեկորդ»,- ասել է Profiles in History աճուրդային տան նախագահ Ջոզեֆ Մադալենան: Երեք օրում այստեղ 7.3 միլիոն դոլարի վաճառք են արել: