ԵՄ երկրների հասարակաց տների սեփականատերերը պետք է խոսեն մարմնավաճառների մայրենի լեզվով: Նման որոշում է կայացրել Արդարադատության եվրոպական դատարանը, որի նպատակն է կանխել չարաշահումները եւ հանցագործություններն ընդդեմ սեքս-ինդուստրիայի մասնակիցների, որոնց կարող են ուժով ստիպել աշխատել:
Որոշումը կայացվել է Ամստերդամում «կարմիր լապտերների փողոցի» հասարակաց տներից մեկի սեփականատիրոջ բողոքից հետո: Քաղաքի իշխանությունները հրաժարվել են նրան աշխատանքի թույլտվություն տալ՝ հիմնավորելով, որ ինքը չգիտի իր օտարերկրացի աշխատակցուհիների լեզուն, որոնք Հունգարիայից եւ Բուլղարիայից են եղել: Նա հայտարարել է, որ կարող է շփվել աղջիկների հետ թարգմանչի կամ առցանց-թարգմանության միջոցով, բայց դատարանը արդարացված է համարել իշխանությունների որոշումը, հաղորդում է Lenta.ru-ն:
Արդարադատության եվրոպական դատարանը (European Court of Justice), որը ԵՄ դատական ինստիտուտն է, գտնվում է Լյուքսեմբուրգում: Այս դատարանի որոշումները ենթակա են պարտադիր կատարման ԵՄ ողջ տարածքում:
ԵՄ 28 երկրներից մարմնավաճառությունն օրինակացված է 8 երկրում՝ Նիդերլանդներում, Գերմանիայում, Ավստրիայում, Շվեյցարիայում, Հունաստանում, Հունգարիայում եւ Լատվիայում: