Ռուսական ավիացիան Սիրիայի «Հմեյմիմ» ավիաբազայից շարունակում է կետային հարվածներ հասցնել ԻՊ ահաբեկչական խմբավորման դիրքերին։ Այս մասին հայտարարել է ՌԴ ՊՆ ներկայացուցիչ Իգոր Կոնաշենկովը։
«Անցյալ օրվա ընթացքում Սիրիայում ռուսական ավիախմբի Սու-34 եւ Սու-24Մ օդանավերը ավելի քան 20 ավիահարված են հասցրել ԻՊ ահաբեկչական խմբավորման 9 օբյեկտներին։
Սու-34 ինքնաթիռից նետած ԲԵՏԱԲ-500 ավիառումբի հարվածով Ռաքա բնակավայրում ոչնչացվել է խմբավորումներից մեկի հրամանատարական կետը եւ ստորգետնյա բունկերը, որտեղ գործել է զինամթերքի եւ պայթուցիկ նյութերի պահեստ»,- ասել է Կոնաշենկովը, գրում է «ՌԻԱ Նովոստի»-ն։