ՕՊԵԿ նավթային կազմակերպության նախագահ Դիզանի Էլիսոն Մադուեկեն, որին հոկտեմբերի 2-ին Լոնդոնում ձերբակալել էին, գրավի դիմաց ազատ է արձակվել։ Այս մասին հոկտեմբերի 3-ին հայտնել է TVC News պանաֆրիկյան հեռուստաընկերությունը՝ վկայակոչելով Լոնդոնի Charring Cross ոստիկանական տեղամասից ստացած տեղեկությունները։

ՕՊԵԿ-ի նախագահի ձերբակալության մասին հայտնել էր International Business Times պարբերականը՝ վկայակոչելով նիգերիական Premium Times թերթը։ Բացի այդ, կաշառակերության եւ փողերի լվացելու կասկածանքով ձերբակալվել է եւս 4 մարդ, հայտնում է պարբերականը՝ հղում կատարելով Հանցագործության ազգային գործակալությանը։

Էլիսոն Մադուկեն Նիգերիայի նավթի նախարար լինելու տարիներին մեղադրվում էր ազգային նավթարդյունաբերության կառավարման բացակայության, միլիոնավոր դոլարների յուրացման եւ պետական միջոցների հաշվին իրեն շքեղություն թույլ տալու մեջ, գրում է  Lenta-ն։