Հին մոդելների մեքենաների թողարկումը Վոլգայի ավտոգործարանում կավարտվի արդեն 2011 թվականին։ Մոսկվայի միջազգային ավտոսրահում այս մասին հայտարարել է АвтоВАЗ-ի նախագահ Իգոր Կոմարովը։

Նրա խոսքով, դասական մեքենաների հավաքման մասին «Իժավտոյի» հետ արդեն իսկ պայմանագիր է ստորագրվել։ Առաջիկա երեք տարիներին գործարանը կթողարկի Lada Samara եւ Lada Granta մակնիշի ավտոմեքենաներ։

Նշենք, որ АвтоВАЗ-ի հնարավորությունները թույլ են տալիս տարեկան 800 հազար ավտոմեքենա թողարկել։ 2010 թվականի հունվար-հունիս ամիսներին գործարանի վաճառքի ծավալներն աճել են 23 տոկոսով։