Ուկրաինացի մասնագետները նոր սերնդի սպիրտ են ստեղծել, որը հաճելի համ ունի ու հաջորդ օրը խումհար չի առաջացնում: Այս մասին հայտնում է «Ուկրսպիրտի» մամուլի ծառայությունը:
«Մեր գիտնականներին հաջողվել է միավորել այս ոլորտում համաշխարհային ձեռքբերումները ու ստեղծել «Հացահատիկի արցունք»՝ որակապես նոր սպիրտը: Այն համային հրաշալի հատկանիշներ ունի ու խումար չի առաջացնում»,- ասված է հաղորդագրության մեջ:
Մշակողների խոսքով, նոր օղու հրաշալի հատկանիշների գաղտնիքը բարձրորակ հումքն է ու բազմամակարդակ զտումը, որը թույլ է տալիս ալդեգիդների, մեթիլ սպիրտի ու այլ վնասակար միկրոխառնուրդների անհավանական ցածր մակարդակ ապահովել:
Բացի դրանից մասնագետների խոսքով օղու մեջ մեթանոլի ցածր պարունակությունը երաշխավորում է գլխացավերի բացակայությունը: