Ամերիկահայերը ԱՄՆ Սենատի անդամ Բոբ Դոուլին պարգեւատրել են Հայոց ցեղասպանության ճանաչման ուղղությամբ նրա ջանքերի համար:
Սենատորը մրցանակ է ստացել «Պատասխանատվության եւ սկզբունքի հերոս» անվանակարգում. մրցանակը նրան հանձնել է Հայոց ցեղասպանության 100-ամյա տարելիցին նվիրված միջոցառումները կազմակերպող կառույցը, հաղորդում է Massis Post-ը:
Սենատորը հայտարարել է, որ իր համար պատիվ է ստանալ այդ մրցանակը, բայց նշել է, որ «չի կարելի մոռանալ, որ դեռ շատ բան է պետք անել մեկ դար առաջ տեղի ունեցածի համաշխարհային ճանաչման համար»:
Նրա կարծիքով, միայն ընդունելով անցյալը այնպիսին, ինչպիսին կա եւ ճանաչելով այն որպես այդպիսին, աշխարհը կկարողանա անկեղծորեն սկսել աշխատել ապագայում ցեղասպանությունների կանխարգելման ուղղությամբ: