Գվատեմալայի Սանտա Կատարինա Պինուլա ավանում փրկարարները վերսկսել են սողանքի հետեւանքով անհետ կորածների որոնողական աշխատանքները։ Այս պահին հայտնաբերվել է 31 զոհի դի, եւս 450 մարդ անհետ կորած է համարվում։ Այս մասին տեղեկացնում են տեղի փրկարար ծառայությունները։
Հողի եւ քարերի կուտակումներն ամբողջովին ավերել են ավանի Կաբրայ-2 շրջանը։ Սողանքի պատճառը հորդատառ անձրեւներն են եղել։ Փրկարարական աշխատանքները դադարեցվել էին ուրբաթ երեկոյան՝ մութն ընկնելուն պես, գրում է «ՌԻԱ Նովոստի»-ն։
Զոհվածների թվում կա 3 նորածին եւ 2 մանկահասակ երեխա, նշում է El Universal կայքը։ Եվս 36 մարդ վիրավոր է։