Մենք հաճախ ընկերների հետ վիճում ենք այս կամ այն մարդու գրավչության շուրջ ու որպես կանոն ընդհանուր հայտարարի չենք գալիս։
Գիտնականները որոշել են պարզել, թե ինչու է այդպես լինում: Մասնագետների կարծիքով, մարդու գրավչության գնահատականը հիմնված է անձնական փորձի վրա, որն առանձնահատուկ է մեզանից յուրաքանչյուրի համար:
Այդ փաստն ապացուցելու համար գիտնականները հետաքրքիր փորձարկում են անցկացրել, որին մոտ 550 զույգ նույնաբջիջ երկվորյակ է մասնակցել եւ ավելի քան 200 զույգ միասեռ, բայց տարաբջիջ երկվորյակ:
Հենց նրանք էլ գնահատել են 200 մարդու գրավչությունը, փոխանցում է Informing-ը:
Ստացված տվյալների հիման վրա մասնագետները եկել են այն եզրակացության, որ գրավչության որոշ կողմեր ունիվերսալ են եւ կարող են նույնիսկ կոդավորված լինել գեներում:
Սակայն գրավչությունը գնահատելիս մարդը հիմնվում է սեփական փորձի, իր շրջապատի, ամենօրյա փոխհարաբերությունների, ինչպես նաեւ այն տեղեկությունների վրա, որ ստանում է սոցցանցերից եւ լրատվամիջոցներից:
Գիտնականներն ասում են, որ մարդկանց գեղագիտական նախընտրությունները մոտ 50% տոկոսով նման են ու նույն չափով էլ տարբերվում են:
