Համաշխարհային բանկը աղքատության շեմը 1.25 դոլարից դարձրել է 1.9 դոլար, հայտնել է ՀԲ նախագահ Ջիմ Էն Քիմը:
Ջիմ Էն Քիմի խոսքով, ՀԲ որոշման վրա ազդել է աշխարհում գնողունակության նվազումը: Հետազոտության արդյունքում փորձագետները հանգել են այն եզրակացության, որ այսօր աղքատներին օրական 1.9 դոլարի եկամուտ է պետք, որպեսզի նրանք կարողանան գնել այն նույն մթերքները, որոնք 2008 թ. 1.25 դոլարով էին գնում, պարզաբանել է կազմակերպության ղեկավարը:
Չնայած շեմի բարձրացմանը՝ մեր մոլորակի չունեւոր բնակիչների թիվը 2015 թ. առաջին անգամ 10 տոկոսից իջել է: «Հիմք ընդունելով այս նոր ցուցանիշը՝ ՀԲ-ը կանխատեսում է, որ ամբողջ աշխարհում աղքատության շեմին գտնվող մարդկանց ընդհանուր թիվը 2012 թ. 902 մլն-ի կամ 12.8 տոկոսի փոխարեն այս տարի հավանաբար կկազմի 702 մլն կամ բնակչության 9.6 տոկոսը»,- նշել է Ջիմ Էն Կիմը:
ՀԲ ղեկավարը համարում է, որ «աշխարհը մոտենում է իր վերջնական նպատակին, որն է՝ 2030 թ. վերջնական հաղթանակ տանել ծայրաստիճան աղքատության նկատմամբ»,- հայտնում է «ՏԱՍՍ»-ը:
Նա նշել է, որ «աղքատության շեմից անդին ապրողների կեսը մինչեւ 2020 թ. բաժին կհասնի անկայուն պետություններին։