Շիրակի մարզի Գյումրի քաղաքում հոկտեմբերի 2-ին տեղի ունեցած խոշոր վթարի հետեւանքով տուժած 3 քաղաքացիները դեռ շարունակում են բուժումը Վերակենդանացման բաժանմունքում: Այս մասին NEWS.am-ի թղթակցին հայտնեցին Գյումրիի բժշկական կենտրոնից, որտեղ տեղափոխվել են վիրավորները:
«Նրանց վիճակի մեջ ակնհայտ դրական դինամիկա կա, սակայն դեռ սարքավորումների կարիք ունեն, այդ պատճառով են Վերակենդանացման բաժանմունքում: Նրանք գիտակցության են եկել»,- ասացին հիվանդանոցից՝ նշելով, որ մյուս երեք վիրավորներն էլ վիրաբուժական բաժանմունքում են:
Ավելի վաղ հայտնել էինք, որ հոկտեմբերի 2-ին ժամը 20:00-ի սահմաններում Գյումրիի Խրիմյան Հայրիկ փողոցում իրար են բախվել երկու ավտոմեքենա: Վթարի հետեւանքով մահացել է 64-ամյա Արշալույս Ստեփանյանը, իսկ 38-ամյա Գագիկ Փ., 45-ամյա Գագիկ Հ.-ն, 53-ամյա Ռոբերտ Ա.-ն, 21-ամյա Վարուժան Մ.-ն, 30-ամյա Վասիլ Ս.-ն, որը մահացածի որդին է, 19-ամյա Արթուր Փ.-ն տեղափոխվել են Գյումրիի բժշկական կենտրոն:
