Սահմանադրական փոփությունների դեմ պայքարող «Չեք անցկացնի» նախաձեռնության մի քանի տասնյակ անդամներ հավաքվել են Երեւանի Ազատության հրապարակում, երթով կշարժվեն դեպի Բաղրամյան պողոտա եւ բողոքի ակցիա կանցկացնեն Ազգային ժողովի դիմաց, որտեղ այսօր` հոկտեմբերի 5–ին, մեկնարկած քառօրյայում քվեարկության կդրվի նոր Սահմանադրության նախագիծը:
NEWS.am–ի թղթակիցը հաղորդում է, որ Ազատության հրապարակում մի քանի տասնյակ մարդ է հավաքվել, ակցիան հսկում են ոստիկանները։
Նախաձեռնության անդամ Արշակ Մուսախանյանը NEWS.am–ի հետ զրույցում կարծիք հայտնեց, որ ակցիայի մասնակիցների թիվը մեծ չի լինի, քանի որ օրն աշխատանքային է։
Նշենք, որ նախաձեռնությանը միացած «Ոչ»-ի ճակատը երեւանյան առաջին հանրահավաք-երթն անցկացրեց հոկտեմբերի 2-ին: Նախաձեռնությանն են միացել «Ժառանգություն» կուսակցությունը, ՀԱԿ-ը, «Հիմնադիր խորհրդարանը», ՀԺԿ-ն,ԱԻՄ–ը եւ այլ քաղաքական ու հասարակական կազմակերպություններ:
Նշենք, որ սպասվում է, որ Սահմանադրության հանրաքվեն կանցկացվի դեկտեմբերի առաջին տասնօրյակում: