Վենետիկի հանձնաժողովի նախագահի ելույթը, որը ներկայացվեց ԱԺ նիստում, ապուշություն էր։ Այս մասին NEWS.am-ի թղթակցի հետ զրույցում ասաց ԱԺ ՀԱԿ խմբակցության պատգամավոր Հրանտ Բագրատյանը։
«Սահմանադրության լրամշակված տարբերակում հոդվածներից մեծ մասում բացակայում է տարրական գրագիտությունը։ Քաղաքական հարցերից վերանանք․ կրթությանը վերաբերող հոդվածները մեկով ավելացել են, սակայն ի՞նչ է նշանակում՝ արգելվում է պետական պատվերների տեղաբաշխումը մասնավոր դպրոցներում։ Ես հազար անգամ ասացի, որ նման բան չեմ կարող անել։ Մյուս կողմից, ի՞նչ է նշանակում սոցիալական շուկայական տեսություն։ Սրանք իրար չեն առնչվում»,- ասաց ՀԱԿ խմբակցության ներկայացուցիչը։
Մեր հարցին, թե փոշմանե՞լ է Հանրապետության նախագահի հետ հանդիպման համար, Հրանտ Բագրատյանը պատասխանեց․«Չեմ փոշմանել, սակայն իմ 122 առաջարկություններից միայն երկուսի տակ են իմ անունը գրել։ Այլ դեպքերում գրել են՝ ՀՀԿ խմբակցության առաջարկած»։
Հիշեցնենք, որ ԱԺ-ում այսօր քվեարկության է դրվելու Սահմանադրության նախագծի լրամշակված տարբերակը։
