Թուրքիայի հարավ-արեւելյան Մարդին նահանգի Նուսայբինի շրջանում փողոց դուրս գալու արգելքի ժամանակ ոստիկաններն սպանել են իր տան դռան մոտ կանգնած 61-ամյա Ահմեդ Սոնմեզին։

Թուրքական իշխանամետ լրատվամիջոցները փորձում են համոզել, որ Ահմեդ Սոնմեզին սպանել են քուրդ զինյալները, սակայն Ահմեդ Սոնմեզի եղբայրը պնդել է, որ եղբորը սպանել են փողոցում կանգնած ոստիկանական զրահապատ մեքենայից։ «Եղբայրս պարզապես փորձել էր դուռը բացել, որի ժամանակ նրա ուղղությամբ արձակվել են հարյուրավոր փամփուշտներ»,-ասել է Ահմեդ Սոնմեզի եղբայրը։