Սիրիայում ռուսական ավիացիայի գործողությունները հրապարակային են։ Ես չեմ լսել, որ ԱՄՆ-ը ռուսական օդատիեզերական ուժերին հակազդելու որեւէ պլան է մշակում։ Այս մասին հոկտեմբերի 5-ին կայացած մամուլի ասուլիսի ժամանակ հայտարարել է ՌԴ արտգործնախարար Սերգեյ Լավրովը, գրում է «ՌԻԱ Նովոստի»-ն։
Ինչպես տեղեկացնում է Bloomberg-ը, Պենտագոնի ղեկավար Էշթոն Քարթերը Մադրիդում ելույթ ունենալիս հայտարարել էր, որ ԱՄՆ-ը եւ դաշնակիցները անհրաժեշտ քայլեր կձեռնարկեն Սիրիայում գործողություններ ձեռնարկելու կապակցությամբ Ռուսաստանին հակազդելու համար, ընդ որում նշել էր, որ ԱՄՆ-ը բաց է ՌԴ-ի հետ համագործակցության համար։
«ԱՄՆ-ը եւ դաշնակիցները քայլեր կձեռնարկեն Ռուսաստանին հակազդելու համար։ Ռուսաստանի գործողությունները Սիրիայում պատերազմի հանգեցրին։ Մենք Ռուսաստանին կոչ ենք անում անվտանգ քայլերի դիմել։ Մենք բաց ենք Ռուսասատնի հետ համագործակցելու համար»,- ասել էր Քարթերը։