Հայաստանի Ազգային ժողովում սահմանադրական փոփոխությունների նախագծին ՀԱԿ խմբակցությունից դեմ են քվեարկել Ստեփան Դեմիրճյանը, Արամ Մանուկյանը, Լեւոն Զուրաբյանը, Նիկոլ Փաշինյանը, Գագիկ Ջհանգիրյանը եւ Հրանտ Բագրատյանը, իսկ ահա նույն խմբակցությունից Լյուդմիլա Սագսյանը կողմ է քվեարկել:
«Ժառանգություն» խմբակցությունից նախագծին դեմ է քվեարկել Զարուհի Փոստանջյանը: ՕԵԿ-ից դեմ են եղել Հեղինե Բիշարյանն ու Իշխան Խաչատրյանը, իսկ խմբակցության մյուս պատգամավորները ձեռնպահ են քվեարկել:
ԲՀԿ խմբակցությունից դեմ է քվեարկել Տիգրան Ուրիխանյանը, որը ստեղծել է առանձին կուսակցություն՝ «Ալյանսը»:
Հիշեցնենք, որ այսօր ԱԺ-ում ընդունվել է սահմանադրական փոփոխությունների նախագիծը հանրաքվեի դնելու որոշումը, որի կողմ է քվեարկել 104, դեմ՝ 10 պատգամավոր, եւս 3 պատգամավոր ձեռնպահ է եղել: