Zimperium ընկերության մասնագետները Android օպերացիոն համակարգում նոր խոցելիություն են հայտնաբերել, որը սպառնում է ավելի քան 1 մլրդ բջջային սարքավորումների։
Zimperium ընկերության աշխատակիցը հուլիսին Stagefright-ի մեկ այլ խոցելիություն էր հայտնաբերել, որը չարագործներին թույլ էր տալիս կոտրել Android-ով աշխատող սարքավորումը եւ ձեռք բերել հիշողության քարտում պահվող տեղեկությունները։ Դա հնարավոր էր անել MMS հաղորդագրությամբ ուղարկած վնասակար կոդի միջոցով։ Այդ ժամանակ խնդիրը բարեհաջող լուծեցին։
Սակայն վերջերս անվտանգության փորձագետները Stagefright 2.0-ի նոր տեսակի թերություն են հայտնաբերել։ Այժմ չարագործները հնարավորություն ունեն վարակված ֆայլը ներդնել օգտատիրոջ բեռնած տեսա-ձայնագրության մեջ կամ վարակել հեռախոսը հոլովակը առցանց դիտելիս եւ հասանելիություն ստանալ հեռախոսային խոսակցություններին, հաղորդագրություններին եւ բջջայինում պահվող այլ տեղեկություններին, գրում է Gazeta.ru-ն՝ վկայակոչելով The Guardian-ը։