Չինաստանում ու Թայվանում Apple ընկերության սարքավորումների վրա նոր վիրուս է հայտնվել, որը ստացել է YiSpecter անվանումը, հայտնում է Cnet-ը:
Նոր վիրուսը, որը վարակում է iOS բազայով աշխատող սարքերը, ցույց է տալիս գովազդային հայտարարություններ, ունակ է ներբեռնել ու գործի դնել կամայական հավելվածներ՝ դրանցով փոխարինելով գոյություն ունեցողները, գովազդային հաղորդագրություններ ցուցադրելու համար այլ հավելվածներ օգտագործել: Վիրուսը նաեւ փոխում է որոնման համակարգը, փակում նոր էջերը ու բրաուզերում սարքի մասին տեղեկություններ ներբեռնում, հայտնում է Gazeta-ն:
Paolo Alto Networks –ի կիբերանվտանգության ոլորտի մասնագետների խոսքով, YiSpecter -ը շատ հնարավորություններ ունի ու քողարկվում է ՝ ներկայանալով որպես QVOD հավելված:
«Մենք մեր հաճախորդներին խորհուրդ ենք տալիս հետեւել իրադարձությունների ընթացքին ու կոնտենտը ներբեռնել միայն App Store պաշտոնական խանութից»,- հայտարարել է ընկերության աղբյուրը:
Այս պահին վարակված սարքերի քանակն անհայտ է, սակայն վիրուսը գոյություն ունի անցած տարվա նոյեմբերից ու տարածված է գերազանցաբար Ասիայում: