Բելգիայի Զեբյուրգե նավահանգստում երեքշաբթի գիշերը հեղուկ գազ տեղափոխող տանկերի հետ բախման հետեւանքով խորտակված հոլանդական նավի տախտակամածին վնասակար մթերքներ չեն եղել։ Այս մասին հայտնում են բելգիական լրատվամիջոցները՝ վկայակոչելով Նիդերլանդների իշխանություններին։
Միաժամանակ հաղորդվում է, որ նավի վրա վառելիքի արտահոսք է սկսվել, եւ համապատասխան ծառայությունները սկսել են մաքրել ջրային տարածքը։
Նավի անձնակազմի բոլոր անդամներին հաջողվել է փրկել։ Նրանցից մի քանիսը հոսպիտալացվել են։