Ստամբուլում հոկտեմբերի 2-ին քրդական «Ժողովուրդների դեմոկրատական» (HDP) կուսակցության դեմ իրականացված գործողությունների ժամանակ ձերբակալված 51 գործիչներից 15-ի նկատմամաբ դատարանը կալանման որոշում է կայացրել։

Ինչպես տեղեկացնում է Ստամբուլի հայկական «Ակոս»-ը, Ստամբուլում ոստիկանների կողմից ձերբակալված 51 քուրդ գործիչներից 24-ին հարցաքննությունից հետո ազատ էին արձակել, 27-ին՝ կալանման պահանջով ներկայացրել դատարան։  

Դատարանում հիշյալ 27 քուրդ գործչի հարցաքննությունը տեւել է մինչեւ հոկտեմբերի 6-ի առավոտ, որից հետո դատարանը որոշում է կայացրել 15-ի նկատմամբ խափանման միջոցն ընտրել կալանքը։