Ուկրաինայի Գերագույն ռադան օրենք է ընդունել «Երկնային հարյուրյակի» ընտանիքների սոցիալական պաշտպանությունը ուժեղացնելու նպատակով Ուկրաինայի «պատերազմի վետերանների կարգավիճակի, նրանց սոցիալական պաշտպանության երաշխիքների մասին» օրենքի 10-րդ հոդվածում փոփոխություններ մտցնելու մասին», հայտնում է «ՈւՆԻԱՆ»-ը:
Այս որոշմանը կողմ է քվեարկել 320 ազգային պատգամավորներից 239-ը: Օրենքը ուժեղացրել է Արժանապատվության հեղափոխությանը մասնակցելու ժամանակ ստացած վիրավորումների, հաշմության, կոնտուզիայի կամ առողջական այլ վնասվածքների հետեւանքով մահացած կամ զոհված անձանց ընտանիքների սոցիալական պաշտպանությունը, որոնց վրա տարածվում են պատերազմի վետերանների համար նախատեսված արտոնությունները ու կարգավիճակը, նրանց սոցիալական պաշտպանության երաշխիքները:
Այս օրենքով սահմանվում է, որ համապատասխան կարգավիճակն ու պետական սոցիալական երաշխիքները չեն տարածվում ոստիկանության, հատուկ նշանակության իրավապահ մարմիններում ծառայություն անցնողների, ներքին զորքերի, Ուկրաինայի Զինված ուժերի եւ այլ զինվորական կազմավորումների զինծառայողների վրա, որոնք զոհվել կամ մահացել են Արժանապատվության հեղափոխության իրադարձությունների հետ կապակցված ծառայողական պարտավորությունների կատարման ժամանակ ստացած վիրավորումների, հաշմանդամության, կոնտուզիայի, կամ առողջական այլ վնասվածքների հետեւանքով: