ՀՀ կենտրոնական բանկի նախագահ Արթուր Ջավադյանն աշխատանքային այցով մեկնել է Լիմա՝ Պերու, որտեղ մասնակցելու է Արժույթի միջազգային հիմնադրամի եւ Համաշխարհային բանկի խմբի կառավարիչների խորհուրդների 2015 թ. տարեկան ժողովին:
ԿԲ մամուլի ծառայությունից հայտնում են, որ ԿԲ նախագահը կմասնակցի ԱՄՀ եւ ՀԲ կառավարիչների խորհուրդների տարեկան հանդիպումների լիագումար նիստերին, միջազգային դրամավարկային եւ ֆինանսական կոմիտեի պլենար նիստին, ԱՄՀ Հոլանդիայի ենթախմբի երկրների հանդիպմանը, Կովկասի եւ Կենտրոնական Ասիայի երկրների ֆորումին:
Հանդիպումներ են նախատեսված ԱՄՀ Հոլանդիայի/Բելգիայի ենթախմբի երկրների մասով գործադիր տնօրենՄենո Սնելի, ԱՄՀ Մերձավոր Արեւելքի եւ Կենտրոնական Ասիայի երկրների դեպարտամենտի տնօրեն Մասուդ Ահմեդի, Եվրոպական ներդրումային բանկի գործադիր տնօրեն Լուկա Լազարոլիի, ինչպես նաեւ մի շարք կենտրոնական բանկերի եւ ֆինանսական կառույցների ղեկավարների հետ: