Ամերիկյան՝ ամենախիտ բնակեցված Քալիֆորնիա նահանգում ոստիկանության աշխատակիցները վերջին 6 տարվա ընթացքում ընդհանուր առմամբ ավելի քան 610 սպանություն են գործել:
Քաղաքացիական ազատությունների պաշտպանության ամերիկյան միությունը (ACLU) զեկույց է հրապարակել, որի համաձայն, 2009-2014 թվականներին նահանգում իրավապահները ձերբակալության ժամանակ 610 սպանություն են գործել, 598-ի դեպքում կասկածյալները գնդակահարվել են։
NEWSru-ի փոխանցմամբ, այդ 610 դեպքերից 608-ը պաշտոնապես համարվել են զենքի իրավաչափ եւ արդարացված կիրառման արդյունք, եւ միայն երկու դեպքում է լայնածավալ հետաքննություն սկսվել։
Ըստ The Atlantic-ի, իրավապաշտպաններն այդ ցանկում չեն ներառել 2014 թվականի վերջին արձանագրված մի քանի դեպքեր, ինչպես նաեւ ոչ հրազենային վիրավորումից կասկածյալների մահվան, կասկածյալների՝ «պատահական», «բնական» ճանաչված մահվան, ինքնասպանության, սպանության դեպքերը, որոնցով հետաքննություն է անցկացվում: