Երեւանի Մետրոպոլիտենի «Գարեգին Նժդեհ» կայարանի գետնանցումի առեւտրականները, որոնք քաղաքապետարանի պահանջով սեպտեմբերից ստիպված են իրենց առևտուրը միայն տաղավարների ներսում իրականացնել, իրենց խաբված են զգում: NEWS.am-ի հետ զրույցում առևտրականներից Արմանը նշեց, որ 2015թ. սեպտեմբերի 3–ին Շենգավիթ վարչական շրջանի ղեկավար Արմեն Սարգսյանի հետ հանդիպումից հետո, երբ համաձայնության են եկել, որ առեւտուրը կիրականացնեն միայն տաղավարների ներսում և փոխարենը իրենց հարկերը կնվազեցնեն, միայն մեկ ամիս են 120 հազար դրամ հարկ վճարել, հոկտեմբերին նրանցից կրկին 150 հազար դրամ են պահանջել: Բացի դրանից, Արմանի խոսքով` առևտուրը միայն տաղավարների ներսում իրականացնելու արդյունքում շրջանառությունը էապես նվազել է:
«Ինչ սկսել ենք առևտուրը միայն տաղավարների ներսում իրականացնել, 90 տոկոսով առևտուրը նվազել է: Էս խանութների ձեռը գերի եմ ընկել, ստիպված աշխատում եմ, որ վարկերս կարողանամ փակել, բայց արդեն դա էլ չի ստացվում: Մոտ 250 աշխատող ենք, չգիտենք էլ` ինչ է լինելու, հազիվ գոյատևում ենք»,-ասաց առևտրականներից Արմանը: