Ռուսական ավիացիան Սիրիայի «Հմեյմիմ» ավիաբազայից 20 մարտական թռիչք է իրականացրել: Այս մասին գրում է ՌԻԱ Նովոստին՝ վկայակոչելով երկրի Պաշտպանության նախարարությանը:
«Սու-34, Սու-24Մ եւ Սու-25 օդանավերի անձնակազմերը հարվածներ են հասցրել «Իսլամական պետություն» ահաբեկչական խմբավորման զինյալների ենթակառուցվածքների, կառավարման կետերի, ճամբարների եւ բազաների 12 օբյեկտների ուղղությամբ»,- հայտարարել է ՌԴ ՊՆ պաշտոնական ներկայացուցիչ Իգոր Կոնաշենկովը:
Ավելի վաղ հայտնի էր դարձել, որ հարվածներից մեկի հետեւանքով 40 զինյալ է սպանվել: