Հայ արտահանողների համար ստեղծված ոչ շահեկան իրադրությունը, որը պայմանավորված է հայկական դրամի հանդեպ ռուսական ռուբլու ավելի ցածր դիրքով, միջնաժամկետ հեռանկարում կչեզոքացվեն Ռուսաստանում գնաճով: Այս մասին հոկտեմբերի 6-ին խորհրդարանում հայտարարեց Հայաստանի Կենտրոնական բանկի փոխնախագահ Ներսես Երիցյանը:
Ներկայում հայ արտահանողներն իսկապես դժվարություններ ունեն՝ կապված ռուբլով արտահայտված իրենց ապրանքների գների մրցունակության հետ: Սակայն, ըստ Երիցյանի, Ռուսաստանում գնաճը տեղական ապրանքների գները կհասցնի նույն մակարդակի, ինչը քիչ թե շատ ընդունելի կլինի հայ արտահանողների համար՝ ելնելով ներկա փոխարժեքից:
Նշենք, որ Ռուսաստանում գնաճը դեռեւս զգալիորեն գեազանցում է հայկականին: 2015 թվականի սեպտեմբերին, Ռոսստատի տվյալներով, 12-ամսյա գնաճը կազմել է 15.7%: Իսկ Հայաստանում 12-ամսյա գնաճն օգոստոսին կազմել է 3.6%: