Հարյուր հազարավոր ներգաղթյալներ, որոնց փախստականի կարգավիճակ ստանալու դիմումը մերժել են, կվտարվեն Եվրոպայից առաջիկա մի քանի շաբաթվա ընթացքում, գրում է Times-ը՝ վկայակոչելով իր աղբյուրները։
«Ակնկալվում է, որ ավելի քան 400 հազար մարդ, որոնք ԵՄ են ժամանել այս տարվա առաջին կիսամյակում, չեն ստանա փախստականի կարգավիճակ, ինչը մարդասիրական եւ քաղաքական մարտահրավեր է ԵՄ-ի համար»,- գրում է թերթը։
Պարբերականը պարզաբանում է, որ «Բրյուսելը սպառնում է հետ կանչել օգնությունը, առեւտրային եւ վիզային համաձայնությունները, եթե այնպիսի երկրները, ինչպիսին Նիգերիան եւ Էրիթրեան են, հրաժարվեն հետ ընդունել տնտեսական միգրանտներին»։
Ըստ վերջին տեղեկությունների՝ սեպտեմբերի վերջի դրությամբ Եվրամիություն է ժամանել 630 հազար ներգաղթյալ։ Եվրահանձնաժողովը հայտարարել էր, որ ներկայիս միգրացիոն ճգնաժամը ամենախոշորն է Երկրորդ համաշխարհային պատերազմից հետո, գրում է «ՌԻԱ Նովոստի»-ն։