Գվատեմալայում սողանքի վայրում արդեն 186 մարմին է հայտնաբերվել, որոնցից 100-ը փոխանցվել է հարազատներին: Եւս 300 մարդու ճակատագիր անհայտ է մնում:
Ներկայումս ողբերգության վայրում փրկարար աշխատանքները դադարեցվել են: Դրանք կվերսկսվեն այսօր առավոտյան ժամը 6-ին (Երեւանի ժամանակով 16.00-ին):
ՏԱՍՍ-ի փոխանցմամբ, իշխանությունները գիտեին, որ Գվատեմալայի Սանտա Կատարինա Պինուլա ավանը, որտեղ հոկտեմբերի 2-ին սողանք է տեղի ունեցել, գտնվում է վտանգավոր գոտում, բայց ոչ մի գործողություն չեն ձեռնարկել բնակիչներին տարհանելու ուղղությամբ:
Նախօրեին երկրի խորհրդարանում տուժածներին 2,6 մլն դոլար հատկացնելու որոշում է կայացվել: