ԱՄՆ իշխանությունները մտադիր են ազատ արձակել թմրանյութ պահելու եւ վաճառելու համար ազատազրկված մոտ 6 հազար մարդու։ Ինչպես տեղեկացնում է The New York Times թերթը, հանցագործները ազատության մեջ կհայտնվեն հոկտեմբերի 30-ից նոյեմբերի 2-ն ընկած ժամանակահատվածում։ Դաշնային բանտերից կալանավորների այս միանգամյա ազատումը ամենախոշորն է երկրի պատմության մեջ։ Ազատ կարձակվեն միայն այն բանտարկյալները, որոնք բռնություն գործելու հոդվածներով դատվածություն չունեն։ Նրանց մի մասը ժամանակավոր կացարան կստանա, իսկ մի մասն էլ տնային կալանքի տակ կվերցվի։
ԱՄՆ Արդարադատության նախարարությունը որոշել է գնալ այդ քայլին, քանի որ երկրի պատժիչ հաստատությունները գերծանրաբեռնված են, ինչն իր հերթին հանգեցնում է բյուջետային միջոցների հսկայական ծախսերի, գրում է ՏԱՍՍ-ը։
ԱՄՆ Արդարադատության նախարարության տվյալների համաձայն՝ այս պահին երկրում կա ավելի քան 200 հազար բանտարկյալ։ Ակնկալվում է մինչեւ 2016թ. վերջը նրանց թիվը 12 հազարով պակասեցնել։