Պետական այցով Բելգիայում գտնվող Թուրքիայի նախագահ Ռեջեփ Թայիփ Էրդողանի թիկնապահների ագրեսիվ պահվածքը տեղի VIP թիկնապահների հետ ծեծկռտուքի պատճառ է դարձել:
Թուրքական Sozcu պարբերականի փոխանցմամբ՝ Բելգիայում Էգմոն ինստիտուտում Էրդողանի ելույթից առաջ Թուրքիայի նախագահի թիկնապահները պնդել են, որ իրենց չի բավարարում բելգիացի VIP թիկնապահների իրականացրած ստուգումները եւ իրենք նորից պետք է ստուգեն դահլիճը, ինչը վիճաբանության պատճառ է դարձել։
Էրդողանի թիկնապահների ագրեսիան այն աստիճանի է հասել, որ նրանցից մեկը արմուկով հարվածել է բելգիացի VIP թիկնապահներից մեկին։ Պատասխանը չի ուշացել եւ Էրդողանի թիկնապահը հայտնվել է գետնին։
Այս միջադեպից հետո կողմերը հետ են քաշվել եւ դրությունը հանդարտվել է։
Նշենք, որ Էրդողանի թիկնապահներն արտերկրյա այցերի ժամանակ մշտապես հայտնվում են ծեծկռտուքների մեջ։