Ստամբուլի հայկական «Ակոս» շաբաթաթերթի նախկին խմբագիր Հրանտ Դինքի սպանության գործով հետաքննության շրջանակներում բարձրաստիճան 9 ոստիկանի նկատմամբ ձերբակալման որոշում է կայացվել։
Թուրքական Hurriyet-ի փոխանցմամբ՝ Ստամբուլի դատախազության ահաբեկչության եւ կազմակերպված հանցագործությունների դեմ պայքարի բյուրի կողմից Դինքի սպանության մեջ պետական ծառայողների ներգրավվածության վերաբերյալ հետաքննության շրջանակներում, 9 կասկածյալի նկատմամբ ձերբակալման որոշում է կայացվել՝ «ծրագրավորված սպանության», «պետական փաստաթղթերում կեղծարարություն», «պետական փաստաթղթերի վերացում» եւ «պաշտոնը ի չարս գործադրելու» մեղադրանքներով։
