«Հայկական վերածնունդ» հասարակական-քաղաքական միավորումն արդեն իսկ ճակատ է։ Այդ մասին հոկտեմբերի 7-ին մամուլի ասուլիսի ընթացքում լրագրողներին հայտնել է «Օրինաց երկիր» կուսակցությունից Հայաստանի Ազգային Ժողովի պատգամավոր Հովհաննես Մարգարյանը՝ անդրադառնալով այն հարցին, թե արդյոք «ՕԵ»-ն կմիանա՞ «Ոչ»-ի ճակատին, որը հանդես է գալիս Հայաստանում սահմանադրական փոփոխությունների դեմ, եւ եթե ոչ, ինչ քայլեր կձեռնարկի։
Պատգամավորը նշել է, որ «Հայկական վերածնունդ» միավորման մեջ արդեն իսկ ներգրավվել է 140 հասարակական եւ քաղաքական կազմակերպություն։ «Մենք մեր ճակատն ունենք ի դեմս «Հայկական վերածննդի: Մեր ռազմավարությունն ու մարտավարությունը ապագայում կներկայացնենք», - ընդգծել է Մարգարյանը՝ հավելելով, որ այսօրվա դրությամբ կուսակցության օրակարգում նման հարց չկա։
