ԱՄՆ Ազգային անվտանգության գործկալության եւԿՀՎ-ի նախկին աշխատակից Էդվարդ Սնոուդենը, որը մամուլին հետախուզական տեղեկություններ էր տվել, իսկ հետո փախել Ռուսաստան, հայտարարել է ԱՄՆ վերադառնալու ցանկության մասին եւ հանուն դրա, պատրաստ է բանտարկվել։ Այդ մասին նա պատմել է ВВС հեռուստաալիքին տված հարցազրույցում։
Նրա խոսքով, ներկայումս նա ԱՄՆ Արդարադատության նախարարության պատասխանին է սպասում. «Ես պատրաստ եմ բանտ նստել եւ դրա մասին բազմիցս ասել եմ։ Միայն մի բան չեմ ուզում՝ զսպող գործոն դառնալ այն մարդկանց համար, որոնք ձգտում են իրենց ճիշտ պահել բարդ իրավիճակներում»:
