Մոսկվայում Եվրասիական տնտեսական հանձնաժողովի Կոլեգիայի հերթական նիստում քննարկվել են առեւտրի, մաքսային համագործակցության, տեխնիկական կարգավորման, արդյունաբերության եւ գյուղատնտեսական արդյունաբերության, տնտեսության ու ֆինանսական քաղաքականության հարցերը։

Ինչպես NEWS.am-ը տեղեկանում է ԵՏՀ մամուլի ծառայությունից, նիստի մասնակիցները մասնավորապես հավանություն են տվել ԵՏՀ-ի եւ Երկաթուղիների համագործակցության կազմակերպության միջեւ փոխըմբռնման հուշագրին։ Փաստաթուղթը ԵՏՀ անունից ստորագրել է կոլեգիայի անդամ, էներգետիկայի եւ ենթակառուցվածքների նախարար Թայիր Մանսուրովը։

Հուշագրի նպատակը ԵՏՀ-ի եւ Երկաթուղիների համագործակցության կազմակերպության միջեւ եվրասիական տարածաշրջանում երկարաժամկետ համագործակցությունն է։

Կոլեգիայի անդամները նաեւ ընդունել են ԵՏՀ Խորհրդի որոշման նախագիծը, որի համաձայն՝ Ղրղըզստանի Հանրապետությունը 43 սեկտորներով միանում է ԵՏՄ ծառայությունների միասնական շուկային։