Հայաստանի սահմանադրական բարեփոխումների նախագիծը քաղաքական մենաշնորհը բացառելու հնարավորություն է տալիս: Այս մասին հոկտեմբերի 7-ի մամուլի ասուլիսում հայտարարել է Ազգային ժողովի «Հանրապետական» խմբակցության պատգամավոր, Բնապահպանական հարցերով խորհրդարանական մշտական հանձնաժողովի ղեկավար Վարդան Այվազյանը:
Նրա խոսքով, սահմանադրական բարեփոխումների նախագծի նպատակն է զգալիորեն բարելավել Հայաստանի գործող սահմանադրությունը: «Չի եղել այդպիսի դեպք, որ համամասնական ընտրությունների արդյունքում քաղաքական մեկ ուժ մեծամասնություն ստանա: Ես չեմ հասկանում, ինչո՞ւ են հիմա որոշ ուժեր դեմ արտահայտվում համամասնական ընտրական համակարգին»,- հարցնում է Վարդան Այվազյանը:
Հիշեցնենք, որ Հայաստանի Ազգային ժողովը հոկտեմբերի 5-ին ձայների մեծամասնությամբ հաստատել է սահմանադրական բարեփոխումների նախագիծը՝ համաձայնելով որ պետության ղեկավարն այն հանրաքվեի դնի: Ներկա 121 պատգամավորներից «կողմ» են քվեարկել 104-ը, «դեմ»՝ 10-ը, ձեռնպահ են մնացել 3-ը: