Թուրքիայի Դիարբեքիր քաղաքի հայկական Սուրբ Կիրակոս եկեղեցու ցուցանակը եւ պատը վնասվել են թուրք ոստիկանների կրակոցներից։
Դիարբեքիրի հայերի միջոցներով ու Դիարբեքիրի քաղաքապետարանի աջակցությամբ վերանորոգված հայկական Սուրբ Կիրակոս եկեղեցին վերջին թուրք-քրդական բախումների ժամանակ դարձել է թուրք ոստիկանների թիրախը։
Թուրք ոստիկանները, օգտվելով փողոց դուրս գալու արգելքի սահմանումից Սուրի շրջանում, անկանոն կրակահերթեր են արձակել Սուրբ կիրակոս եկեղեցու ցուցանակի վրա, որի վրա գրված է «Սուրբ Կիրակոս Հայոց եկեղեցի, Տիգրանակերտ»։
Բախումների ժամանակ վնասվել են նաեւ մզկիթներ, ինչպես նաեւ թալանվել է Դիարբեքիրի կաթոլիկ հայկական եկեղեցին։
