Ադրբեջանի մայրաքաղաք Բաքվում բացահայտվել է խմբակային բռնաբարության դեպք, որի զոհը 20-ամա երիտասարդ է։

Ինչպես գրում է haqqin.az-ը, վկայակոչելով Ղարադաղի շրջանի ոստիկանության վարչությունը, հանցագործությունը կատարվել է օգոստոսի 18-ին Գյուզդեկ ավանում։ Երկու երիտասարդ տղամարդ ժամը 01։00-ի սահմաններում «ՎԱԶ 21053» մակնիշի մեքենայով շրջելիս Հաջիքաբուլի շրջանի 20-ամյա բնակիչ Ի.Խ.-ին առաջարկել են հասցնել մինչեւ մետրոյի կայարան։ Սակայն դրա փոխարեն նրանք տղային տարել են Գյուզդեկ եւ ամայի մի վայրում բռնաբարել։

Հաղորդվում է, որ տուժածը հիշել է մեքենայի համարանիշները, ինչի շնորհիվ հետաքննությունը դուրս է եկել հանցագործների հետքի վրա։ Նրանք Գյուզդեկ ավանի 30-ամյա բնակիչներ են, որոնց անունները չի հաղորդվում։ Կասկածյալները ձերբակալված են։